Japan, Nikko. Fellibylur

Já, nú er maður lokaður inni í Nikko, sem annars er lítill og ljótur bær. Nikko státar af frábærlega flottum búddamusterum sem við kíktum á í morgun, en annars hefur maður á tilfinningunni að bærinn sé Raufarhöfn Japans. Húsin eru í niðurníðslu, sum mannauð en full af drasli, í öðrum er enn búið þótt þau séu að hruni komin. 
IMG_4800

Við gengum niður í gegnum bæinn í morgun þegar rigningunni létti aðeins. Við komum við á lestarstöðinni til að finna hvenær lestin til Tókyó færi á morgun. Við fréttum þar að engar lestarferðir væru frá eða til bæjarins. Hér hefur fellibylur geysað og sett allt á annan endan. Maður áttaði sig ekki alveg á að ástandið væri svo alvarlegt en þvílíkt og annað eins regnveður.

Annars les ég „Það sem ekki drepur mann“ þessa dagana, nýju hálf-Stieg Larsson bókina. Ég skemmti mér ágætlega, solid krimmi.

dagbók

Ein athugasemd við “Japan, Nikko. Fellibylur

  1. Við fylgjumst með ævintýrum Arngrimsson family, spennt að sjá hvað bíður handan Raufarhafnar Japan. xxx

Skildu eftir svar