Þetta hefur verið langur dagur. Ég gæti vel endurtekið þessa stetningu svona um það bil 140 sinnum og sett svo punkt á eftir og þar með hefði ég sagt það sem hausinn á mér rúmar akkúrat núna.
Ég gæti líka sagt: Hugsum með hjartanu. 142 sinnum. Til að vera nákvæmur.
Við höfum gengið um götur Palm Springs í dag, skoðað mannlífið eins og það heitir. Sest á kaffihús, kíkt í bókabúðir, fatabúðir, designbúðir… borðað hádegismat á ótrúlega flott hönnuðum veitingastað. (Ef ég bý einhvern tíma til veitingastað, hótel, bar…. þá verður hann jafnflottur og þessi sem við borðuðum á í dag.)
Eftir hádegismat keyrðum við út fyrir bæinn og inn í þjóðgarð sem heitir Joshua Tree og vorum þar fram á kvöld. Kvöldmatur klukkan 21:00 og nú undirbúum við brottför frá Palm Springs. Keyrum til Las Vegas snemma í fyrramálið. Já.
Já er svarið.
