Lygin er beini vegurinn til glötunar – ég nota því lygina bara til skemmtunar eða í baráttunni fyrir hið góða, segir ungur rithöfundur í viðtali við Politiken í dag. Ég las viðtalið við hann en þessi setning stendur upp úr. Af deginum í dag hef ég lært eftirfarandi sex staðreyndir.
- að keyra með aftanívagn eða kerru er ekki mín sterkasta hlið
- að spila áhættusaman tennis er ekki mín deild. Ég er varnarmaður.
- kýrnar hérna úti á enginu virðast ekki skilja íslensku. Ég kallaði á þær en þær komu ekki.
- ráðherrann sem býr í Humlebæk, við Gamle Strandvej, er ekki vinnusamur maður. Hann er alltaf heima þegar ég geng framhjá húsinu hans. Hann keyrir líka ljótan bíl.
- úr því að ég nefni bíla vil ég bæta við BMW-bíll er ekki nærri því eins gott farartæki og Audi-bíll. Það reyndi ég í dag.
- Setning dagsins. Lygin er beini vegurinn til glötunar – ég nota því lygina bara til skemmtunar eða í baráttunni fyrir hið góða.
