„Ertu enn í suðrinu?”
Svona hófst bréf sem ég fékk í dag. Jú, ég er hér enn og verð fram á miðvikudag, en þá keyrum við til Rómar til að dvelja þar í nokkra daga á leið okkar norður.
Mér tekst ekki að afreka margt annað en að lesa og vesenast. Ég fór þó í smá vinnuham í dag og lakkaði nokkur handrið.
Nú er að koma nótt. Ég sit úti á svölum í koldimmu myrkri. Yfir mér skína fleiri stjörnur en í Danmörku. Áðan heyrði ég í villisvíni á vappi hér fyrir neðan svalirnar. Sennilega er það eplatréð sem lokkar villisvínið til sín.
Ég skrifa dagbókina á iPhone símanum mínum því ég næ ekki sambandi við alheimsnetið á tölvunni minni í kvöld
Ps. Við drengir erum saddir því við freistuðumst til að kaupa porcetta í síðkvöldssnarl.
