Ég vaknaði í hrúgu af fötum. Ég vaknaði við að sólin skein í andlitið á mér. Við höfðalagið lágu gallabuxur og ullarpeysa. Kannski hefði ég átt að bíða til morguns, eftir sólhvörf, en ég vaknaði í morgun til nýs lífs algerlega ólíkt því lífi sem ég hef hingað til lifað. Nei. Ekkert af þessu gerðist ég var bara að máta hugsunina.
Mér var bent á að ný vefsíða hefði opnað á dögunum sem einbeitti sér að íslenskri bókmenntagagnrýni (bokmenntagagnryni.is). Það er fyrirtaks framtak og kannski eitt af þeim mörgu handtökum sem þarf til að lyfta bókmenntalífi á Íslandi upp.
