Í gær boðaði dómnefnd Booker-verðlaunanna til blaðamannafundar til að tilkynna hvaða bækur höfnuðu á hinum þrettán bóka „long-list“ og valið kom að sumu leyti á óvart. Í fyrsta lagi þótti það sæta tíðindum að hin stóra ungstjarna bókmenntanna, Sally Rooney og bók hennar Intermezzo, skyldi ekki rata á listann en skáldsagan er væntanleg í bókabúðir um víða veröld þann 24. september – líka á íslensku ef ritnefndinni skjátlast ekki. Einnig þótti það nokkuð fréttnæmt að bók Colm Toibín, Long Island skyldi heldur ekki vera á meðal þeirra þrettán tilnefndu. Og ekki var heldur neina Rachel Cusk að finna en bók hennar Parade kom út fyrr í sumar. Hins vegar eru þær tvær bækur sem fyrirfram þóttu líklegastar til að hreppa Bookerinn, James eftir Perceval Everett og Orbital eftir Samantha Harvey, á lista hinna útvöldu bóka.
Hér er listinn:
- Colin Barrett, Wild Houses
- Rita Bullwinkel, Headshot
- Percival Everett, James
- Samantha Harvey, Orbital
- Rachel Kushner, Creation Lake
- Hisham Matar, My Friends
- Claire Messud, This Strange Eventful History
- Anne Michaels, Held
- Tommy Orange, Wandering Stars
- Sarah Perry, Enlightenment
- Richard Powers, Playground
- Yael van der Wouden, The Safekeep
- Charlotte Wood, Stone Yard Devotional
Af þessum þrettán bókum er engin líkleg til að verða þýdd á íslensku. Sú bók sem hreppti verðlaunin í fyrra, Prophet Song eftir Paul Lynch kom heldur ekki út á íslensku.