Rusl flýtur með straumnum

Mér verður stundum hugsað til orða pólska skáldsins Zbigniew Herbert: „Ef þú vilt komast til uppsprettunnar verður þú að synda á móti straumnum. Það er bara rusl sem flýtur með straumnum.“ Ekki skil ég alveg hvers vegna þessi lína hefur sótt á mig síðustu daga, fyrir utan hvað hún er flott, og sennilega er staðhæfingin rétt. En ég hef verið, það sem á mínu heimili kallast stundum, með böggum hildar.

Kannski er eins gott að Sus komi til mín í Hvalfjörðinn í dag. Bókarhöfundurinn fer þá að sinna einhverju öðru en bókakynningu,  ritstörfum og bóklestri.

ps. ég ákvað að taka frí frá langhlaupum dagsins og fara þess í stað í innkaupaleiðangur til Akraness svo eitthvað sé í ísskápnum þegar Sus kemur. Nú er líka leiðindarok hérna í Hvalfirðinum. (Auðvitað hleyp ég líka í roki en nú hef ég þessa fínu afsökun því ég þarf líka brátt að keyra af stað til Keflavíkur þar sem flugvélin frá Kaupmannahöfn lendir.)